Aye Zindagi...

na jane yeh kin rahon par aaj zindagi humein chala rahi hai...
kya aisi hi sochi thi duniya jaisi yeh zindagi aaj dikha rahi hai
kami bhi kuch nahin hai lekin fir bhi khalipan hai
aakhir kyun samajh nahin aa raha jo yeh zindagi samajha rahi hai
sochte hain kuch, chahte hain kuch aur hota hai kuch
har lamha na jane kya magar kehta toh hai kuch
koshish toh bahut ki humne bhi magar fir bhi
rok na sake ret ko jo mutthi se fisalti ja rahi hai
kadmon ke neeche zameen hai aur sar par neela aasman
lekin itna kaafi nahin shayad apne jeene ke liye aasra
hum bhatak rahein na jane ab bhi kiski chahat mein
abhi toh manzilein bhi dhundhli hi nazar aa rahi hain
chaha toh yahi tha ki sab kuch hota apne haath mein
ummeed baandhe rahe hum har mushkil haalaat mein
fir bhi ek ek kar sab chhodte chale gaye akela humein
ek din suna zindagi bhi humein chhod kar ja rahi hai
haan haan isey toh jana hi tha , bewafa jo hai
lekin yeh kehne ka haque bhala yahan kisko hai
humne bhi toh chhodh diya tha apne peeche logon ko
jinki yaadein hamare saath hi upar ja rahi hain