Mann ko lubhake,Aankhon ko apni aur khinchke,
Apne sugandh se dil ko khushi deta ye phool.
Bhagwan ke charano mein, Apni shraddha ki kabuli deta ye phool,
Mariz ke hathon mein use prasanata ka ehsaas deta ye phool.
Mehboob ke hathion mein thama ke,usse pyaar ka izahar karta ye phool,
Ghar ke baramade mein, aangan ki shobha badhata ye phool.
Mandir mein, mele mein,tyohar mein,jane kitno ke ghar sajata ye phool,
Shadi mein apne sanam ke gale jakar,uski shaan badhata ye phool.
Khud bikkar, jane kitne logo ke ghar chalata ye phool,
Ghar ke darwaze par chadhkar, shub ka sandesh deta ye phool.
Shav ko bhi gale lagakar,use shanti ki chadar chadhata ye phool,
Netao ke gale lagkar,unki jeet ki khabar failata ye phool.
Khud kuchalkar bhi, haseeno ke balon ki khubsurati nikharata ye phool,
Bina kuch kahe,Bhavaro ki bhi pyass bhujata ye phool.
No comments :
Post a Comment