Tanhayee Ka Jashn

Main yuun apni tanhaayi ka jashan manaya karata hoon
Din bhar tarah tarah ke joke banaaya karata hoon
Jokes khud ko suna kar apne
khud ko hi hasaaya karta hoon
Main yuun apni tanhaayi ka jashan manaya karata hoon
Kya bataaoo kese kese main din ko bitaya karta hoon
Samay kaatne ke liye kabhi jab,
room se bahar nikal jayaa karta hoon
Jab siddiyaa uttar jaata hoon puri to kuch yaad kar
taala lagane fir upar 4th floor jaaya karata hoon
Upper zakar me thak jaata hoon itna
Ki wahin phir bheth jaaya karta hoon
Main yuun apni tanhaayi ka jashan manaya karata hoon
Lunch ke liye jo line sabse lambi dikhti hai mujhko
Jaane kya sochkar bus ussi me lag jaaya karta hoon
Besawad khane ko hazam karne ke liye main aksar
Lunch or dinner ka mazak banaya karta hoon
Main yuun apni tanhaayi ka jashan manaya karata hoon
Room me jab kabhi main TV chalata hoon dost
To k-ee baar dekhi hui film fir dekhkar me dil behlayaa karta hoon
Company friends ki haan me haan milakar
Main apne liye kuch dost jutaaya karta hoon
kabhi room mates ki bekar baaton ko sunta aur
To kabhi unhe apni bakvaas sunaaya karta hoon
Main yuun apni tanhaayi ka jashan manaya karata hoon
Weekends ko to main time pass ke liye sirf
Din me kayi kayi baar nahaaya karata hoon
Jab jaanta hoon ki housefull hoga or ticket milegi nahi
phir bhi film dekhne ke bahane theatar jaaya karta hoon
Main yuun apni tanhaayi ka jashan manaya karata hoon
kaash koi mill jaaye dost purana
Dua ye maangne me mandir jaaya karta hoon
meri posting ho jaaya Ludhiana ke paas
is baat ke liye rabb ko manaaya karta hoon
rabba karde uski posting toon pune
yeh kehkar maska lagaaya karta hoon
Main yuun apni tanhaayi ka jashan manaya karata hoon
kya kahoonga main tumhe milne par
Bus yahi andaza lagya karta hoon
kitne din abhi baaki hai leave ko
hisab ye har waqt lagaya karta hoo
Fir jab time bachta hai to
Aaisi main kavita banayaa karta hoon
Main yuun apni tanhaayi ka jashan manaya karata hoon

Soch

Sar jhukaoge to patthar devata ho jaayega
itna mat chaho use wo be-wafa ho jaayega
ham bhi dariya hain hamen apana hunar maaloom hai
jis taraf bhi chal padenge rasta ho jayega
kitni sachchai se mujhse zindagi ne kah diya
tu nahin mera to koi dusra ho jayegaa
main Khuda ka naam le kar pi raha huun doston
zahar bhi is me agar hoga davaa ho jayegaa
ruuth jana to mohabbat ki alaamat hai
magar kya Khabar thi mujh se wo itanaa Khafaa ho jayega

Zindagi Sabko Nibhani Padati Hai....

Zindagi sab ko nibhani padti hai,
Har khushi ki kimat aasuon se chukani padti hai.
Kuch hi lamho main badal jate hai armaan
Ki hawa bhi rukh badalne lagti hai.

Tasalli to bahut dete hain sab doosro ko,
Par khud ki chot ko ab chupani padti hai,
Har imtehaan main khud ko hi hain parakhte
Ki ab to nateeza bhi khud se chipana padta hai.

Har pal shuru hoti ek nayi kahani hai,
Ki har bar khud hi khud ko samjhana padta hai,
Har kahani apni or apni begani lagti hai,
Ki zindagi to sabko nibhani padti hai.


Chahe ho jaye koi khush kitna,
Ki gum ki kahani sab ko chupani padti hai,
Kya bataye humein ki kyun ho jate hai pareshan,
Jante hai jabki, ki yeh pareshani sabko uthani padti hai.

Jee-le agar har pal ko yu hi,to kya hui baat,
Ki hum to jeete hai khwabo main,
Or shayad isi ki kimat chukani padti hai,
Ki zindagi to sabko nibhani padti hai.

Kuch Tumhare Liye

rukhsati ki baat na kar zindagi ka naam le
khawab seene se lagakar, apne dil ko tham le
haan ye mana waqt ki tasweer kuchh badali si hai
par tu nahi hai wo ki jo manzar ko manzil maan le
rukhsati ki......
rastein hain manzilon ke, inka bharosa aur kya
kaun kab tak sath de aur kaun chhoote kab kahan
ummeed na kar, koi chalega sath tere umrr bhar
do kadam jo sang raha, usko hi saathi maan le.
rukhsati ki....
kaun rah-e-zindagi mein, chalte chalte na gira
kaun hai wo, jisne jo chaha use bas wo mila
kaun hai wo, jisko is duniya se kuchh shikwa nahi
kaun hai wo, jo kabhi bhi toot kar bikhara nahi
tere har aanso ko tere haath hi hain pochhte
mole khudka tu samajh, aur dono jahan eenam le
rukhsati ki baat na kar zindagi ka naam le

Khuli Aankhon Ke Sapne...

Aadhi neend mai bistar par lete hue
mai sapno ke aane ka intejaar karta hu
man mai hazaroo sawaal liye
mai javabo ka intejaar karta hu….

Naa kisi se koi shikayat hai
na kisi se koi gila shikva.
Lagta hai koi nahi samjhega kabhi
Mujhko bus mere siva…..

Ghar se door, door hu dosto se
Apne se door hu door hu zindagi se
Par vakt ka pahiya ghumta rahta hai
Par pal nayi karvate badalta rahta hai….

Meri zindagi roj ek kasmakash se gujarti hai,
Aaj jo rah dikhai hai deti
Kal vohi avrodh dikhai deti hai
Aage badne se hai rok deti….

Ghadi ki sui sa ban gaya hu mai,
Chalta to hu bahut sara
Par dayara nahi tod paataa mai
Kar ke apna prayaas saaraa......

Aaj kyo kudh ko akela mehsoos karta hu
Kyuu neend mai bhi kudh ko bechain paataa hu
Kyuu mai itna bakvaas likhta hu
Kyuu mai kudh ko sambhal nahi paataa hu......

Sab kal ke accha hone ka bharosa dilate hai
Par kal bhi to aaj ke baad aataa hai,
aaj ki kosis agar bekar gayi
to kal kaha se accha aataa hai……

Phir bhi mai apne man se do chaar karta hu
Phir kisi ke jadoo bhare shabdo ka intejaar karta hu
Aadhi neend mai bistar par lete hue
mai sapno ke aane ka intejaar karta hu........